साझा यातायातलाई बचाउने कसले ?
साझा यातायात सञ्चालन भएको केही समयमा नै किचलो सुरु भएको छ । कोही साझा यातायात पुनः सञ्चालन भएकोमा खुसी छन् भने कोही साझा यातायात बन्द गराउने ध्याउन्नमा लागेका छन् । सर्वसाधारण भने साझा यातायातले दिने सेवा, सुविधा तथा सुरक्षाका कारण यसको विस्तार हुनुपर्नेमा जोड दिनथालेका छन् । हुन पनि यसको सेवा पहिले पनि राम्रो थियो, अहिले पनि राम्रो छ । तर विभिन्न तत्त्वले यसप्रति षड्यन्त्र गरिरहेकाले यसप्रति आमयात्रु सचेत रहनु जरुरी छ । यदि पुनः यसको अस्तित्व नै नामेट हुने खेल हुनगएमा यसको विरुद्ध हाम्रो आवाज एकजुट हुन आवश्यक छ । अन्यथा साझा यातायातको विगतको जस्तै हविगत नहोला भन्न सकिन्न । सबैलाई चेतना भया...। -२०७० वैशाख १२, बिहीवार Kantipur
